काठमाडौं । नेपाल विद्युत् प्राधिकरणका कार्यकारी निर्देशक कुलमान घिसिङलाई सरकारले १५ बुँदे स्पष्टीकरण सोधेको छ । लेखा समितिमा परेको उजुरीलगायत विषयमा ऊर्जा, जलस्रोत तथा सिंचाइ मन्त्रालयले मंगलबार घिसिङलाई १५ बुँदे स्पष्टीकरण सोधेको हो ।

मंगलबार सरकारले स्पष्टीकरण सोध्ने निर्णय गरेको थियो । ऊर्जा मन्त्रालयले सोधेको स्पष्टीकरणका विषयमा छलफल गर्न प्राधिकरणको सञ्चालक समितिको बोर्ड बैठक बुधबार बिहान ११ बजेका लागि बोलाइएको थियो । बिहान ११ बजे बस्ने बैठकका लागि राति साढे ९ बजे पत्राचार गरिएको थियो ।

तर, कोरम नपुगेकाले बोर्ड बैठक बस्न सकेन । सरकारले घिसिङको बोर्ड सञ्चालक समितिको कार्यकारी अधिकार खोस्ने तरिकाले नै स्पष्टीकरण सोधिएको बुझिएको छ ।