
काठमाण्डौ (एजेन्सी) । नाइजेरियामा गएको बिहीबार अपहरणमा परेका २ सय ५२ जना विद्यार्थीको खोजी चलिरहँदा हिजो थप १९ जना अपहरणमा परेका छन् । सोकोटोको एक विद्यालयबाट १५ जना विद्यार्थी र चार जना महिलालाई बन्धुकधारीले अपहरण गरेका बीबीसीले जनाएको छ ।
स्थानीय सांसद बशीर उस्मान गोराउले हिजो बिहान सबेरै १९ जना अपहरणमा परेका बताउनुभएको खबरमा उल्लेख छ । सेनाले बिहीवार पश्चिमी शहर कुरिगामा अपहरणमा परेका स्कुलका विद्यार्थीहरूको खोजी गरिरहेको छ ।
२ सय ८० जना अपहरणमा परेकोमा कम्तीमा २८ जना विद्यार्थी भाग्न सफल भएका थिए । यो अपहरण सन् २०२१ पछिकै ठूलो हो । मोटरसाइकलमा विद्यालय पुगेका बन्दुकधारीले आठदेखि १५ वर्ष उमेर समूहका प्राथमिक र माध्यमिक विद्यालयका बालबालिकाहरूलाई लगेको विद्यालयका अधिकारीहरू र अभिभावकहरूले बताएका छन् ।
नाइजेरियाली सेना/प्रहरी र स्थानीय खोजी टोलीले अपहरणमा परेका बालबालिकाको खोजी गरिरहेका छन् । नाइजेरियाका राष्ट्रपति बोला टिनुबुले बालबालिकालाई फिर्ता ल्याउने कुरामा आफू विश्वस्त भएको बताउनुभएको छ ।
रातो चन्द्रसुर्य डेस्क
प्रकाशित: २७ फाल्गुन २०८०, आईतवार ०९:४२
बसन्तपुर दरबार स्क्वायरमा मल्लकालीन “नौं तल्ले दरबार” सार्वजनिक अवलोकनका लागि खुला

विश्वव्यापी तापक्रम वृद्धि १.५ प्रतिशत डिग्रीमा सीमित राख्दा पनि तटीय क्षेत्र खतरामा

बिकास श्रेष्ठको उपचारका लागि आर्थिक सहयोगको अपिल

नागढुङ्गा–नौबिसे सडकखण्ड दिउँसो साढे ४ घण्टा बन्द गरिने

राष्ट्र बैंकको गभर्नरमा डा. विश्व पौडेल नियुक्त

कोभिडका कारण भारतमा दुईको मृत्यु
