
काठमाडौं (एजेन्सी) । माइक्रोसफ्टले विन्डोज सबसिस्टम फर एन्ड्रोइड (डब्लुएसए) बन्द गरेको छ, जसले एन्ड्रोइड प्रायोगकर्तालाई चिन्तित बनाइदिएको छ । यो भर्चुअल मेसिनको मद्दतले अमेजन एप स्टोर मार्केटप्लेसबाट एन्ड्रोइड एपहरु विन्डोज ११ मा प्रयोग गर्न सकिन्थ्यो ।
अमेजनसँग भएको एक सम्झौता पश्चात् माइक्रोसफ्टले उक्त सपोर्ट बन्द गरेको हो । विन्डोजमा सन् २०२१ देखि एन्ड्रोइड सपोर्ट प्राप्त थियो । माइक्रोसफ्टको घोषणा अनुसार गत मंगलबार अर्थात् ५ मार्चदेखि नै विन्डोज ११ का प्रयोगकर्ताहरुले आफ्नो सिस्टममा एन्ड्रोइड एपहरु प्रयोग गर्न पाउनेछैनन् ।
५ मार्चसम्म अमेजन एप स्टोर वा एन्डोइड एप इन्स्टल गरिसकेका प्रयोगकर्ताले भने सन् २०२५ को मार्च ५ सम्म प्रयोग गर्न वा प्राविधिक सहयोग लिन पाउनेछन् । तर अब नयाँ प्रयोगकर्ताले भने विन्डोजमा एन्ड्रोइड एप इन्स्टल गर्न सक्नेछैनन् ।
यस विषयमा अमेजनले पनि विज्ञप्तिमार्फत् जानकारी दिएको छ । अमेजनका अनुसार अब कुनै पनि डेभलपरले उसको एप्लिकेसन स्टोरमा एन्ड्रोइड एप प्रकाशित गर्न सक्नेछैन । तर एप स्टोरमा पहिलेदेखि सूचीकृत भएका डेभलपर्सले भने आगामी वर्षसम्मका लागि अपडेट जारी गर्न सक्नेछन् ।
रातो चन्द्रसुर्य डेस्क
प्रकाशित: २५ फाल्गुन २०८०, शुक्रबार ०८:१३
नेपालमा अब तीन वर्गका ट्याक्सी

देशका अधिकांश भूभागमा गर्मी, काठमाडौंमा ३४ र भैरहवामा ४२ डिग्रीसम्म पुग्ने

चिकित्सक सङ्घद्वारा आकस्मिकबाहेक सबै स्वास्थ्य सेवा बन्द गर्ने घोषणा

तीन दिनभित्र विद्यालयमा पठनपाठनको वातावरण बनाउन सरकारलाई सर्वोच्चको आदेश

संसद्का दुवै सदनको अधिवेशन आजदेखि

एमसिसी अन्तर्गतका परियोजना चाँडै बन्द हुँदैछ
