काठमाडौं । त्रिभुवन अन्तर्राष्ट्रिय विमानस्थल बिहीबारदेखि दैनिक १० घण्टा बन्द हुने भएको छ । धावनमार्ग विस्तार, ट्याक्सी–वे, पार्किङ–वे लगायतका काम गर्नुपर्ने भएकाले विमानस्थल पाँच महिनासम्म रातको समयमा दैनिक १० घण्टा बन्द गर्न लागिएको हो ।

विमानस्थल कार्यालयका अनुसार यहि बिहीबार (२३ कात्तिक)बाट काठमाडौं विमानस्थल राति १० बजेबाट बिहान ८ बजेसम्म बन्द रहने छ । २३ कात्तिकबाट १८ चैतसम्म विमानस्थल दैनिक १४ घण्टामात्र सञ्चालनमा रहने कार्यालयको सूचनामा उल्लेख छ । हाल काठमाडौं विमानस्थल बिहान ६ बजे खुल्छ भने राति २ बजेसम्म चल्दै आएको छ ।