शब्दयात्रा प्रकाशनले माधव वियोगीलाई कविताकाव्य सम्मान समर्पण गर्ने

बनेपा । शब्दयात्रा प्रकाशनले २०८१ सालको ‘शब्दयात्रा वसन्त शर्मा कविता–काव्य सम्मान’ कास्कीका महाकाव्यकार माधव वियोगीलार्य समर्पण गर्ने भएको छ । शब्दयात्रा प्रकाशनद्वारा गठित सम्मान्य व्यक्तित्व चयन समितिको बैठकले उहाँलाई सम्मान गर्ने निर्णय गरेको हो ।

उहाँका ९ वटा महाकाव्य र ८ वटा खण्डकाव्यसहित ४१ वटा कृति प्रकाशित छन् । उहाँले छन्द बचाऊँ र महाकाव्यलेखन अभियान चलाउनुभएको छ । यस सम्मानको कोष व्यवस्थापन कवि कविप्रसाद प्याकुरेल (काभ्रेपलाञ्चोक) ले गर्नुभएको हो । सम्मान आगामी चैत महिनामा समर्पण गरिनेछ ।

रातोचन्द्रसुर्य डेस्क

प्रकाशित: 2025-03-12

सम्बन्धित शीर्षकहरु