काठमाडौं । काठमाडौं महानगरपालिकाका निलम्बित नगर प्रहरी प्रमुख राजुनाथ पाण्डेले दायर गरेको रिटमा आज सुनुवाइ हुँदैछ ।

महानगरका प्रमुख प्रशासकीय अधिकृत सरोज गुरगाईंले आफूलाई पदबाट निलम्बन गरेको निर्णयविरुद्ध पाण्डेले जेठ २५ गते उच्च अदालत पाटनमा रिट दायर गरेका थिए । पाण्डेको रिटमाथि आज सुनुवाइ हुने अदालतले जनाएको छ ।

पाण्डेले रिटमा काठमाडौं महानगर प्रमुख, उपप्रमुख, प्रशासकीय अधिकृत सरोज गुरागाईं, महानगर प्रहरी बल निमित्त प्रमुख विष्णु जोशी, नगर कार्यपालिका कार्यालयलाई विपक्षी बनाएका छन् ।

गत चैत २१ गते गुरागाईं कार्यालयमा हाजिर हुन जाँदा पाण्डेकै नेतृत्वमा रहेको नगर प्रहरीको टोलीले अवरोध गरेको आरोपमा उनीमाथि गुरागाइँले कारबाही अघि बढाएका हुन ।