अत्यधिक गर्मी बढेपछि भरतपुरका विद्यालयहरू बन्द

चितवन, अत्यधिक गर्मी बढेपछि भरतपुर महानगरपालिकाले विद्यालयमा सार्वजनिक बिदा दिएको छ । आजदेखि शुक्रबारसम्म महानगरले सार्वजनिक बिदा दिएको हो ।

महानगरका शैक्षिक प्रशासन महाशाखा प्रमुख सुवासचन्द्र आचार्यका अनुसार जेठ २८ गतेदेखि लागू हुने गरी ३० गते शुक्रबारसम्म विद्यालयमा सार्वजिक बिदा दिने निर्णय भएको छ ।

बिदाको अवधिमा बालबालिकालाई दिउँसोको समयमा घरबाहिर हिँडडुल नगर्न, नदी–पोखरीमा पौडी खेल्न नदिन र माछा मार्ने काममा संलग्न हुन नदिन उनले अभिभावकमा अनुरोध गरे । चितवनमा पछिल्ला दिनमा तापक्रम ३७ देखि ४० डिग्री सेल्सियससम्म पुग्ने गरेको छ। पछिल्ला दुई दिन अधिक गर्मी महसुस भएको छ।

Sudina Shrestha

प्रकाशित: २९ जेष्ठ २०८२, बुधबार १७:३१

सम्बन्धित शीर्षकहरु