बनेपा । शब्दयात्रा प्रकाशनले २०८१ सालको ‘शब्दयात्रा हरिगोपाल प्रधान समालोचना सम्मान’ काठमाडौँका समालोचक प्रा. डा. उषा ठाकुर समर्पण गर्ने भएको छ । शब्दयात्रा प्रकाशनद्वारा गठित सम्मान्य व्यक्तित्व चयन समितिको बैठकले उहाँलाई सम्मान गर्ने निर्णय गरेको हो ।

लामो समयसम्म प्राध्यापन गर्ने क्रममा उहाँले नेपाली र हिन्दी दुवै भाषामा आधा दर्जन समालोचनात्मक कृतिहरू नेपाली वाङ्मयमा प्रस्तुत गर्नुभएको छ । यस सम्मानको कोष व्यवस्थापन पत्रकार हरिगोपाल प्रधान (काठमाडौँ) ले गर्नुभएको हो । सम्मान आगामी चैत महिनामा समर्पण गरिनेछ ।