
काठमाडौं । ‘मिस नेपाल वर्ल्ड–२०२४’ को उपाधि आश्माकुमारी केसीले जितेकी छन् । शनिबार सम्पन्न ग्राण्ड फिनालेमा केसीलाई ‘मिस नेपाल वर्ल्ड–२०२४’को उपाधि प्रदान गरिएको हो ।
उनलाई गत वर्र्षकी मिस नेपाल वर्ल्ड विजेता श्रृच्छा प्रधानले क्राउन हस्तान्तरण गरेकी छन् । यस्तै, ‘मिस नेपाल अर्थ–२०२४’को उपाधि सुमना केसीले पाएकी छन् भने ‘मिस नेपाल इन्टरनेशलन–२०२४’ करुणा रावत बनेकी छन् ।

कार्यक्रममा ११ निर्णायकहरु उपस्थित थिए । जसमा डा. रुपक घिमिरे, लक्ष्मी भण्डारी, रेना रिजाल, विजय कर्मचार्य, साहारा बस्नेत राणा, कलाकार दिव्य देव, प्रियंका रानी जोशी, शरद भेषावकर, रियासा दाहाल, विष्णुहरि पाण्डे र सकुन भण्डारी थिए ।
हिडेन ट्रेजरद्वारा आयोजित मिस नेपालको यस ३०औँ संस्करणमा २६ जना प्रतिस्पर्धी फाइनलमा पुगेका थिए । जसबाट टप १२ हुँदै टप–६ छनोट गरिएको थियो । टप–६ मा परेका प्रतियोगीहरुलाई जल वायु परिवर्तनबारे प्रश्न सोधिएको थियो । जसमध्ये आश्माकुमारी ले उत्कृष्ट जवाफ दिँदै यस वर्षको मिस नेपाल वल्र्ड बन्न सफल भएकी हुन् । आश्माकुमारी ले आगामी ‘मिस वल्ड’मा नेपालको प्रतिनिधित्व गर्नेछिन् ।
रातो चन्द्रसुर्य डेस्क
प्रकाशित: २० श्रावण २०८१, आईतवार ०८:४९
स्वास्थ्य बिमा बोर्डको अध्यक्षमा चन्द्रबहादुर थापा नियुक्त

कपिलवस्तुबाट आठ महिनामा ८४ जना लागुऔषध कारोबारी पक्राउ

प्रधानमन्त्री केपी शर्मा ओलीसँग नेपालका लागि थाइल्याण्डका राजदूत सुवापोङ सिरिसोर्नले आज शिष्टाचार भेट

छुट्टाछुट्टै तीन दुर्घटनामा १४ जना घाइते

सरकार विरुद्ध माइतीघरमा विरोध प्रदर्शन

सरकारको निर्णयविरुद्ध अदालत जाने कुलमानको तयारी
