काठमाडौं । साउदी अरब प्रो लिगको उपाधि अल हिलालले जितेको छ । शनिबार राति भएको खेलमा अल हिलालले हाजमलाई ४–१ गोल अन्तरले पराजित गर्दै यो सिजनको उपाधि जितेको हो ।

अल हिलाललको जितमा अलेक्जेन्डर मिट्रोभिकले २ गोल गर्दा सेर्गेज मिलिन्कोभिकले १ गोल थपेका थिए । हिलालले १ गोल भने उपहार पाएको थियो । हाजमा अहमद अल जुवेदले उपहार गोल दिएका हुन् । यसैगरी हाजमका फैज सेलमानीले एक गोल फर्काए ।

जितपछि अल हिलाल यो सिजन अपराजित रहँदै ३१ खेलबाट ८९ अङ्क बनाएको छ । दोस्रो स्थानमा रहेको अल नासरको ३१ खेलबाट ७७ अङ्क रहेको छ । शीर्ष स्थानमा रहेको अल हिलाल १२ अङ्कले अघि रहेपछि ३ खेल अगावै उपाधि पक्का गरेको हो । अल हिलालको १९औँ लिग उपाधि हो । अल हिलाल साउदी लिग सबैभन्दा बढी पटक जित्ने क्लब समेत हो । अल हिलालपछि अल इतिहाद र अल नासरले समान ९–९ पटक लिगको उपाधि जितेका छन् ।