५ महिनामा भित्रिए ४ लाख ४ हजार पर्यटक

सन् २०२३ को पहिलो ५ महिनाको अवधिमा ४ लाख ४ हजार २३१ जना पर्यटक नेपाल भित्रिएका छन् । आगामी आर्थिक वर्ष (आव) २०८०/८१ को बजेटले सन् २०२३ मा १० लाख पर्यटक भित्राउने लक्ष्य लिएको छ । यो लक्ष्य भेटाउन अबको ७ महिनामा ६ लाख पर्यटक नेपाल आउनु पर्छ ।

नेपाल पर्यटन बोर्डका अनुसार मे २०२३ मा मात्र ७७ हजार ७०३ जना पर्यटक आएका छन् । यो संख्या सन् २०१९ मा आएको पर्यटकको संख्या हाराहारी हो । सन् २०१९ मा ७८ हजार ३२९ जना पर्यटक मे महिनामा नेपाल आएका थिए ।

नेपाल पर्यटन बोर्डका अनुसार कोभिड-१९ अगाडिकै हाराहारीमा अब पर्यटक आगमन पुग्न थालेका छन् ।

कुन महिनामा कति पर्यटक ?

जनवरी : ५५,०७४
फेब्रुअरी : ७३,२५५
मार्च : ९९,४२६
अप्रिल : ९८,७७३
मे : ७७,७०३

भारतीय पहिलो, दोस्रोमा अमेरिकी, चिनियाँ तेस्रो

सन् २०२३ को मे महिनामा सबैभन्दा धेरै पर्यटक भारतबाट आएका छन् । भारतबाट ३६ हजार ५७५ जना पर्यटक नेपाल आएका छन् ।

दोस्रो स्थानमा अमेरिका छ । अमेरिकाबाट ८ हजार ५४५ जना पर्यटक नेपाल आएको तथ्यांक छ । चीन तेस्रो स्थानमा पुगेको छ । चीनबाट ४ हजार ६६७ जना पर्यटक नेपाल आएका छन् ।

मे २०२३ मा कुन मुलुकबाट कति आए ?

भारत : ३६,५७५
अमेरिका : ८,५४५
चीन : ४,६६७
संयुक्त अधिराज्य : २,९२७
अष्ट्रेलिया : २,१८४
बंगलादेश : २,१६४
मलेसिया : १,३२१
जर्मनी : १,१६५
फ्रान्स : १,०९७
दक्षिण कोरिया : १,०३९

रातो चन्द्रसुर्य डेस्क

प्रकाशित: ७ श्रावण २०८०, आईतवार ०९:२८

सम्बन्धित शीर्षकहरु