काठमाडौं (हाम्रो खेलकुद) – नेपाली क्रिकेट टोलीका अलराउन्डर दीपेन्द्रसिंह ऐरी सम्मिलित मोन्टरिएल टाइगर्सले ग्लोबल टि२० क्यानडामा आज मिसिसौगा प्यान्थर्ससँग खेल्दैछ । खेल नेपाली समय अनुसार साँझ ८ ः ४५ मा क्यानडाको ब्राम्पटनमा सुरु हुनेछ ।

दीपेन्द्रले पहिलो खेलमा सर्रे जागुअर्सविरुद्ध २२ बलमा २ चौकासहित सर्वाधिक २८ रन बनाएका थिए । पहिलो खेलमा राम्रो प्रदर्शन गरेको हुँदा दीपेन्द्रलाई टोलीले निरन्तरता दिने देखिन्छ ।

मिसिसौगा प्यान्थसमा वेस्टइन्डिजका आक्रामक ब्याटर क्रिस गेल, पाकिस्तानका आक्रामक युवा ब्याटर आजम खान, अनुभवी अलराउन्डर सोएब मलिक, न्युजिल्यान्डका स्टार अलराउन्डर जेम्स निसम र नेदरल्यान्ड्सका टम कुपर जस्ता खेलाडी छन् ।

दीपेन्द्रको टोलीमा कार्लोस ब्रेथवेट, आयन खान, अष्ट्रेलियाका क्रिस लिन, वेस्टइन्डिजका आन्द्रे रसेल र बंगलादेशका सकिब अल हसन जस्ता खेलाडी टोलीमा छन् ।

उता सन्दीप सम्मिलित सर्रेले आज मध्यराती १: १५ मा ब्राम्पटन वल्भ्ससँग खेल्नेछ । ब्राम्पटनमा विश्वकप छनोटमा सानदार प्रदर्शन गर्ने लोगन भान बिक, म्याक्स उडाउड, न्युजिल्यान्डका मार्क च्यापम्यान, कोलिन डि ग्रान्डहोम र भारतीय स्पिनर हरभजन सिंह जस्ता खेलाडी छन् ।