काठमाडौँ । नेपाली कांग्रेसका नेता तथा सांसद चन्द्र भण्डारीले संसदमा किर्ते भएको भन्दै स्वार्थका लागि यो मुलुक कति ठगिएको होला भन्दै प्रश्न गरेका छन् । 

आइतबार प्रतिनिधि सभाबाट पारित भएको विधेयकमा पेश भएको भन्दा अर्कै अर्थ लाग्ने गरि परिवर्तन भएको पाइएपछि नेताहरुले प्रतिक्रिया दिइरहेका छन् ।  

नेता भण्डारीले सांसदलाई समेत ढाँटने छल्ने र किर्ते गरिएको भन्दै यो अक्षम्य ठुलो अपराधको कारवाही इतिहास बन्ने गरी गर्नु पर्ने बताएका छन् ।

उनले भनेका छन्- 

संसदमा सांसदलाई समेत  ढॅाट्ने छल्ने र किर्ते गर्ने गरे पछि !!! स्वार्थका लागि यो मुलुक कति ठगिएको होला कहॅाबाट गल्ती भएको छ?यो अक्षम्य ठुलो अपराधको कारवाही इतिहास बन्ने गरी गर्नु पर्दछ।कति ठुलो छलछाम ! के के देख्नु , सुन्नु र भोग्नु पर्ने हो ? यो भन्दा ठुलो लज्जा पनि केही हुदैन !