संघीय संसदका दुई समितिको बैठक बस्दै

काठमाडौँ । आज संघीय संसदका दुई समितिको बैठक बस्दैछ । आज प्रतिनिधि सभा, राज्य व्यवस्था तथा सुशासन समिति र राष्ट्रिय सभाको विधायन व्यवस्थापन समितिको बैठक बस्दैछ ।

आज बिहान १० बजे बस्ने राज्य व्यवस्था तथा सुशासन समितिको बैठकमा नेपाल प्रहरी सम्बन्धी कानूनलाई संशोधन तथा एकीकरण गर्न बनेको विधेयकमाथि संशोधन प्रस्ताव दर्ता गराउने सांसदहरुसँग छलफल हुने कार्यसूची रहेको समितिले जानकारी दिएको छ ।

त्यस्तै बिहान ९ बजेदेखि बस्ने राष्ट्रिय सभाको विधायन व्यवस्थापन समितिको बैठकमा भन्सार विधेयक, २०८० को मस्यौदा प्रतिवेदनउपर छलफल हुने कार्यसूची रहेको छ ।

Sudina Shrestha

प्रकाशित: १७ असार २०८२, मंगलवार १०:१८

सम्बन्धित शीर्षकहरु