नुवाकोटमा बाढीले एक महिला बेपत्ता, खोजीकार्य जारी

नुवाकोट । नुवाकोट जिल्लाको ककनी गाउँपालिका–१ भसीबुस्थित बिमचना खोलामा अविरल वर्षाको कारण आएको बाढीमा बेपत्ता भएकी ३२ वर्षिया कमला बलामीको खोजीकार्यको लागि सशस्त्र प्रहरीको टोली खटिएको छ ।

साथै सोही ठाउँमा रहेको ३ वटा गोठ बगाउँदा घाईते भएका अशोक बलामीलाई उद्वार गरी उपचारको लागि काठमाडौतर्फ पठाइएको छ ।

सो घटना बारे जानकारी पाउनासाथ सशस्त्र प्रहरी बल नेपाल युएन तालिम शिक्षालय ककनी, नं. १९ गुल्म नुवाकोट र सुरक्षा वेश बञ्चरेबाट गरि ६५ जना सुरक्षा फौज उद्दारको लागि खटिएको छ । सो खोलाले पशुचौपायालगायत अन्य सामान बगाएको छ ।

रातोचन्द्रसुर्य डेस्क

प्रकाशित: 2025-06-27

सम्बन्धित शीर्षकहरु