काठमाडौँ । भारतको उत्तराखण्डको काशिपुरमा बन्धक बनाइएका ३५ नेपालीको सकुशल उद्धार गरिएको छ ।

दिल्लीस्थित नेपाली दुताबासले भारतको उत्तराखण्डको काशिपुरमा आकर्षक जागिरको प्रलोभन दिएर नेपालबाट लगिएका ३५ जनाको सकुशल उद्धार गरिएको जानकारी दिएको छ ।

दुताबासले ३५ जनाको उद्धार गरिएको र उत्तराखण्डको अन्य स्थानमा बन्दी बनाइएका, थप नेपाली युवाहरुको खोजी र उद्धार कार्य जारी रहेको जनाएको छ । 

उक्त घटनासँग सम्बन्धित केहि व्यक्तिहरुलाई उत्तराखण्ड प्रहरीले पक्राउ गरी घटनाको थप अनुसन्धान गरिरहेको बताइएको छ । 

दुताबासले उद्धार गरिएका व्यक्तिहरुलाई कानूनी प्रक्रिया सम्पन्न भएपछि नेपाल पठाइने जनाएको छ ।