काठमाडौँ । प्रतिनिधि सभाको बैठक विहिबारसम्मका लागि स्थगित भएको छ ।

सभामुखको सचिवालयले बुधबार सभामुखलाई रास्वपा र राप्रपासँग छलफल गरेर सहमतिमा ल्याउन समय दिएकाले बैठक बिहिबार बिहान ११ बजे बस्ने गरि सारिएको बताएको छ ।

आज आधा घण्टाको लागि स्थगित भएको बैठक समयमा बस्न नसकेपछि संसद सचिवालयले सूचना प्रकशित गरेर साढे ४ बजेका लागि तोकेको थियो ।

आजको बैठकमा रास्वपाका सांसदहरु निलो रिबन लगाएर उपस्थित भएपछि कांग्रेसले आपत्ति जनाएको थियो । कांग्रेसका प्रमुख सचेतक श्याम घिमिरेले संसदमा मर्यादित भएर आउनु पर्ने भन्दै रास्वपाका सांसदहरुले निलो रिबन लगाएर आएको प्रति आपत्ति जनाउदै सचेत गराउन र कारवाही गर्न सभामुखसँग माग गरेका थिए ।

कांग्रेसको आपत्ति पछि सभामुखले ३० मिनेटका लागि स्थगित गरेको बैठक शुरु हुन सकेको थिएन ।