काठमाडौँ । राप्रपाका वरिष्ठ उपाध्यक्ष रविन्द्र मिश्र जिल्ला अदालत काठमाडौँमा उपस्थित भएका छन् । 

तीनकुने घटनाका आरोपी रहेका मिश्र मंगलबार बिहान जिल्ला अदालत काठमाडौँमा उपस्थित भएका हुन् । उनको आजै थुनछेक बहस हुने भएको छ ।

मिश्रविरुद्ध तिनकुने घटनामा राज्य विरुद्धको कसुर, आपराधिक उपद्रव, सङ्गठित अपराध र एकीकृत कसुरको आरोप लगाइएको  छ । 

तीनकुने घटना भएको चैत १५ कै राति पक्राउ परेका मिश्रलाई सर्वोच्च अदालतले बन्द्रीप्रत्यक्षीकरणको रिटमा जेठ २ गते रिहा गर्न आदेश दिएको थियो । हाजिर जमानीमा रिहा भएका मिश्र सम्पर्कविहीन रहेका थिए । 

तिनकुने घटनामा राप्रपाका महामन्त्री धवलशमशेर राणा सोमबार जिल्ला अदालतमा हाजिर भएका थिए र उनलाई अदालतले ३ लाख धरौटीमा रिहा गरेको छ ।