काठमाण्डौ । एएफसी एशियन कप २०२७ को छनोटअन्तर्गत समूह ‘एफ’ को आफ्नो दोस्रो खेलमा नेपाल लाओससँग पहिलो पटक पराजित भएको छ । न्यु लाओस नेशनल स्टेडियममा भएको खेलमा नेपाल लाओससँग २–१ गोलले पराजित भएको हो ।

लाओसका दमोथ थोङखामसभाटले खेलको १३औं र पिटर फाङथाभोङले ४९औं मिनेटमा गोल गरे । नेपालका मनिष डाँगीले खेलको ७१औं मिनेटमा गोल गरे ।

यसअघिका ६ भेटमा नेपाल ३ खेलमा विजयी हुँदा ३ खेल बराबरीमा सकिएको थियो । यो हारले नेपाल तेस्रो चरणको छनोटको समूह ‘एफ’ मा २ खेलमा अङ्कविहीन हुँदै पुछारमा छ । नेपाल आफ्नो पहिलो खेलमा मलेशियासँग पनि हारेको थियो । यो समूहमा नेपाल, लाओस, मलेशिया र भियतनाम छन् ।