काठमाण्डौ । गभर्नर सिफारिश समितिका सदस्य डा.विश्व पौडेलले राजीनामा दिएको छ । कांग्रेसले गभर्नरको रुपमा आफैँलाई प्रस्ताव गर्ने भएपछि उनले सिफारिश समितिको सदस्यबाट राजीनामा दिएको हो ।

अस्ति शनिवार कांग्रेस र एमालेका शीर्ष नेताहरुबीचको भेटमा कांग्रेस सभापति शेरबहादुर देउवाले डा.गुणाकर भट्टको विकल्पमा पौडेलको नाम गभर्नरको रुपमा सिफारिश गरेका थिए ।

यसअघि कांग्रेस सभापति देउवा र प्रधानमन्त्रीसमेत रहेका एमाले अध्यक्ष केपी शर्मा ओलीबीच गभर्नरको रुपमा राष्ट्र बैंकका कार्यकारी निर्देशक डा।गुणाकर भट्टलाई अघि बढाउने सहमति भएको खबर सार्वजनिक भएको थियो ।

त्यसै अनुसार भट्टले राष्ट्र बैंकको कार्यकारी निर्देशकबाट राजीनामा दिए पनि कायम मुकायम गभर्नर डा।नीलम ढुंगाना तिम्सिनाले स्वीकृत नगरेपछि कांग्रेसले विकल्पको रुपमा पौडेलको नाम अघि सारेको हो ।