रियललाई हराउँदै बार्सिलोनाले जित्यो कोपा डेल रे को उपाधि

काठमाडौं । जुल्स कुन्डेले गरेको उत्कृष्ट गोलमा रियल मड्रिडलाई अतिरिक्त समयमा ३(२ ले पराजित गर्दै बार्सिलोनाले स्पानिस कोपाल डेल रे को उपाधि जितेको छ ।

सेभियास्थि ओलम्पिक स्टेडियममा भएको फाइनलमा बार्सिलोनाका लागि पेड्री, फेरान टोरेस र जुल्स कुन्डेले गोल गरे । रियालका लागि केलिएन एमबाप्पे र औरेलियन चुआमेनीले गोल गरे ।

निर्धारित ९० मिनेटको खेल २(२ को बराबरीमा सकिएपछि ३० मिनेटको अतिरिक्त समय थप गरिएको थियो । त्यसको पनि अन्तिम समयमातिर कुन्डेले विजयी गोल गरे ।

खेलको अन्तिम समयमा रियलका कप्तान लुकास भजक्वेज र एन्टोनी रुडिगरले रातो कार्ड सामना गरेका थिए । बार्सिलोनाले ३२औं पटक कोपा डेल रे को उपाधि जितेको हो ।

Sudina Shrestha

प्रकाशित: १४ बैशाख २०८२, आईतवार ०९:०९

सम्बन्धित शीर्षकहरु