काठमाण्डौ । काठमाण्डौको वायु विश्वकै प्रदूषित अवस्थामा पुगेको छ । स्वीट्जरल्याण्डमा रहेको प्रदूषण मापन गर्ने संस्था आईक्यूएअरका अनुसार आज काठमाण्डौको वायु विश्वकै अस्वस्थकर बन्न पुगेको हो ।

आईक्यूएअरका अनुसार काठमाण्डौको वायु प्रदूषणको अवस्था २५३ एक्यूआई पुगेको छ । एक्यूआई १५० भन्दा माथि पुगेपछि मानिसका लागि अस्वस्थ मानिन्छ । विश्व स्वास्थ्य सङ्गठनका अनुसार प्रदूषित हावाका कारण दम, श्वासप्रश्वासका रोग, मुटुरोग, क्यान्सरलगायत रोगको जोखिम बढ्छ ।

वायु प्रदूषणको जाँच आँखाले देख्न नसकिने पीएम १० र पीएम २ दशमलव ५ को मापदण्डमा जाँचिन्छ । पीएम १० भनेको हावामा आउने धुलोमा मिसिने कणहरुसँग सम्बन्धित छ भने पीएम २ दशमलव ५ भनेको कार्बन मोनोअक्साइड, सल्फर, नाइट्रोजन अक्साइड जस्ता हानिकारक ग्यासहरुसँग सम्बन्धित छ ।

अहिले काठमाण्डौको हावामा यस्ता विषाक्त ग्यासको मात्रा उच्च रहेको छ । काठमाण्डौको प्रदूषणको तह विश्व स्वास्थ्य सङ्गठनले तोकेको भन्दा ३२ दशमलव ४ गुणा माथि पुगेको जलवायुविज्ञ डा. धर्मराज उप्रेतीले बताएका खन् ।