काठमाडौँ , जारी आईपीएलको १० औं खेलमा दिल्ली क्यापिटल्सले लगातार दोस्रो जित हात पारेको छ । आइतबारको पहिलो खेलमा दिल्लीले हैदरावादलाई ७ विकेटले पराजित गरेको हो ।

विशाखापट्टनममा दिल्लीले १६ ओभरमा ३ विकेट गुमाएर १६४ रनको लक्ष्य पूरा गर्‍यो । ओपनर फाफ डु प्लेसिसले ५० रनको इनिङ खेले । ज्याक फाजर मगर्कले ३८ रनको योगदान दिए । दुवैले ८१ रनको ओपनिङ पार्टनरसिप गरे ।

केएल राहुलले १५ रन बनाए । अभिषेक पोरेल ३४ रन बनाएर अविजित र ट्रिस्टन स्टब्स २१ रन बनाएर अविजित फर्किए । जिसान अन्सारीले ३ विकेट लिए ।

टस जितेर ब्याटिङ रोजेको हैदरावाद १८।४ ओभरमा १६३ रनमा अलआउट भएको थियो। अनिकेत वर्माले ४१ बलमा ६ छक्का प्रहार गर्दै ७४ रन बनाएका थिए भने ।

आज दिल्लीका मिचेल स्टार्कले ५ विकेट लिए भने कुलदीप यादवले ३ विकेट लिएका थिए । तीन खेल खेलेको सनराइजर्सको भने यो दोस्रो हार हो।