
काठमाडौं । प्रहरीले स्रोत नखुलेको २५ करोड १ लाख ६० हजार ३ सय ३८ रूपैयाँसहित पक्राउ परेका व्यक्तिलाई सार्वजनिक गरेको छ । उक्त ट्रक काठमाडौंको टोखास्थित झोरबाट प्रहरीले बरामद गरेको थियो ।
काठमाडौं उपत्यका अपराध अनुसन्धान कार्यालयले दिउँसो पत्रकार सम्मेलन गरेर उक्त रकम रसुवागढीको केरुङ नाका हुँदै चीनतर्फ लग्दै गरेको सूचनाको आधारमा बरामद गरिएको जनाएको छ । सोक्रममा ट्रक चालक सिन्धुपाल्चोक भोटेकोशी नगरपालिका–१ का ४३ वर्षीय ‘फुच्चे’ भनिने कुसाङ लामा पक्राउ परेका छन् ।उनी यसअघि नै सुन तस्करी अभियोगमा ५ वर्ष जेल बसेर आएको खुलेको प्रहरीले जनाएको छ । उनी ७ किलो सुनसहित पक्राउ परेको र सजाय भुक्तान गरेर २०७८ सालमा निस्किएका थिए । यसअघि पनि उनलाई महाशाखाले नै पक्राउ गरेको थियो ।
ना.१ ख १६५२ नम्बरको मालबाहक ट्रक शंका लागेर रोकेर कार्यालयमा ल्याई खानतलासी गर्दा ट्रकको ड्राइभर बस्ने क्याबिनको ‘बोनट’ मा फल्स बटम बनाई लुकाइएको अवस्थामा भेटिएको प्रहरी अधिकारीले बताए । लामा भरियाको रूपमा चालक भएर काम गरिरहेको प्रारम्भिक अनुसन्धानबाट खुलेको छ ।
उनलाई राजश्व विभाग हरिहर भवन पठाइने छ । उनी भरियाको रुपमा मात्रै रहेको अनुसन्धानबाट खुलेको छ । पुरानो घटना र अहिलको घटनालाई केन्द्रमा राखेर अनुसन्धान लामामाथि अनुसन्धान हुने प्रहरीले जनाएको छ । अमेरिकी डलर ३ हजार ११९ ५० दरको १७९, ८ लाख यूरो ५८ हजार ८ सय ५० रूपैयाँ बढी रहेको छ ।
रातो चन्द्रसुर्य डेस्क
प्रकाशित: ४ चैत्र २०८१, मंगलवार १५:४५
सर्वसाधारणसँग असुली रोक्न चन्द्रागिरि हिल्सलाई निर्देश

ट्रम्प र पुटिनबीच ३० दिनको युद्धविराममा सहमति, युक्रेन सशंकित

इजरायलको आक्रमणमा परी गाजामा ४ सय जनाभन्दा धेरैको मृत्यु

संघीय संसद्का दुवै सदनको बैठक बस्दैछ

लिङ्देनकै नेतृत्वमा राजावादी आन्दोलन गर्ने राप्रपाको निर्णय

इतिहासमा पहिलोपटक एसईई सुरू नहुँदै तोकियो नतिजा निकाल्ने मिति
