शब्दयात्रा प्रकाशन डा. कान्ता भट्टराईलाई राष्ट्रझङ्कार सम्मान समर्पण गर्ने

बनेपा । शब्दयात्रा प्रकाशनले २०८१ सालको ‘शब्दयात्रा काशीनाथ–मायादेवी राष्ट्रझङ्कार सम्मान’ विदुषी खोटाङका डा. कान्ता भट्टराई मा समर्पण गर्ने भएको छ । शब्दयात्रा प्रकाशनद्वारा गठित सम्मान्य व्यक्तित्व चयन समितिको बैठकले उहाँलाई सम्मान गर्ने निर्णय गरेको हो ।

उहाँ आध्यात्मिक क्षेत्रकी विदुषी तथा प्रवाचिका हुनुहुन्छ । नेपाली समाजमा नैतिक चेतना, मानवीय कर्तव्यबोध र आध्यात्मिकताको जागरण गराउने खालका विभिन्न लेखहरू लेखी उहाँले प्रकाशन गराउनुभएको छ ।

यस सम्मानको कोष व्यवस्थापन आध्यात्मिक लेखक कृष्णहरि मैनाली (काभ्रेपलाञ्चोक) ले गरेको हो । सम्मान आगामी चैत महिनामा समर्पण गरिनेछ ।

रातो चन्द्रसुर्य डेस्क

प्रकाशित: २५ फाल्गुन २०८१, आईतवार ०९:४३

सम्बन्धित शीर्षकहरु