काठमाडौं । ठमेलमा प्रहरीलाई कुटपिट गरेको अरोपमा नेकपा एमालेको विद्यार्थी संगठन अनेरास्ववियुको स्थायी कमिटी सदस्य रहेका नेता कमलराज जोशी पक्राउ परेका छन् । बिहीबार दिउँसो जोशीलाई नयाँ बानेश्वरबाट पक्राउ परेका हुन् ।

माघ २४ मा ठमेलको ज्याठास्थित छायाँ सेन्टर अगाडि ‘राउण्ड अप ड्युटी’ मा खटिएका प्रहरीका जवान नगेन्द्रराज विष्ट र हवल्दार जुगलाल घर्तीमाथि जोशी समेतले निर्घात कुटपिट गरेका थिए ।

ड्युटीमा खटिएका प्रहरीलाई कुटपिट गर्ने समूहका पाँच जनाविरुद्ध पक्राउ पूर्जी जारी हुँदा अनेरास्ववियुका स्थायी कमिटी सदस्य कमलराज जोशी भने पक्राउ परेका थिएनन् । जोशीलाई ‘उन्मुक्ति’ दिइएको भन्दै आलोचना भएको थियो ।