काठमाडौं, सभापति कप फुटबल प्रतियोगितामा संकटा क्लब फाइनलमा प्रवेश गरेको छ । आज भएको सेमिफाइनलमा संकटा क्लबले मच्छिन्द्र एफसीलाई सडनडेथमा पराजित गर्दै उपाधिनजिक पुगेको हो ।

दशरथ रंगशालामा भएको सेमिफाइनलमा ९० मिनेट निर्धारित समयमा बराबरीमा गोलरहित सकिएपछि खेल सिधै पेनाल्टी सुटआउटमा पुगेको थियो । त्यसमा संकटा ८/७ ले विजयी भयो । पेनाल्टीमा संकटाका दीप कार्की, अबेकाह रिचर्ड, साम कार्लोस्, सृजन क्षेत्री, सन्तोष खत्री, बोटेङ इमानुएल, रोशन पहारी, राम थापा र चन्दन दासले गोल गरे ।

त्यस्तै मच्छिन्द्रका देवेन्द्र तामाङ, छिरिङ गुरुङ, ओमोलाजा करिम, सनिश श्रेष्ठ, बिमल घर्तीमगर, दिवाकर चौधरी र समिर राज थोकरले गोल गर्दा दयानन्द सिंह र आयुष घलान पेनाल्टीमा चुके ।संकटाले अब उपाधिका लागि एनआरटी क्लब र आयोजक लोकतान्त्रिक बागमती प्रदेशको टोलीबीचको विजेतासँग खेल्नेछ ।