काठमाडौं । ओमोडा एन्ड जेइको नेपालका लागि आधिकारिक वितरक एसपिजी अटोमोबाइल्स प्रालिले गोकर्ण फरेस्ट रिसोर्टस्थित अफरोड ट्र्याकमा ‘जेइको जेसिक्स इन्डिभिजुअल ह्विल ड्राइभ (फोर–बाइ–फोर) टेस्ट ड्राइभ एक्स्पेरियन्स द थ्रिल अफ एडभेन्चर’ सफलतापूर्वक सम्पन्न गरेको छ ।

शनिबार आयोजित टेस्ट ड्राइभ च्यालेन्जमा नेपालको पहिलो इलेक्ट्रिक अफरोड एसयुभी जेइको जेसिक्स इन्डिभिजुअल ह्विल ड्राइभको उच्चस्तरको क्षमता तथा शक्ति प्रदर्शन गरिएको हो । यसबाट विद्युतीय गाडीले पनि जस्तोसुकै अप्ठ्यारो भूभाग सजिलै पार गर्न सक्छ भन्ने प्रमाणित भएको छ ।

कार्यक्रममा अफरोड पारखी तथा ड्राइभरहरूको उत्साहजनक सहभागिता थियो । विशेषगरी तयार गरिएको अफरोड ट्र्याक मुख्य आकर्षण थियो ।

ट्र्याकलाई साँच्चिकै अफरोड यात्रामा जस्तै चुनौतीपूर्ण बनाउन विभिन्न अवरोधहरू जस्तै, उकालो, ओरालो, हिलो, रकी एक्सपेरियन्स आदि समेटिएको थियो । यही ट्र्याकमा जेसिक्स इन्डिभुजुअल ह्विल ड्राइभले आफ्नो शक्तिशाली पर्फमेन्स तथा क्षमता प्रमाणित गरेको कम्पनीले जनाएको छ ।

विशेषगरी जेइको जेसिक्समा रूची राख्ने ग्राहकहरू केन्द्रित यस कार्यक्रममा जेइको जेसिक्स इन्डिभिजुअल ह्विल ड्राइभले सम्पूर्ण अवरोधहरूलाई सजिलै पार गर्दै विद्युतीय सवारीले मारेको फड्कोलाई सावित गरेको छ । कार्यक्रममा डर्ट–ट्र्याक च्यालेन्जका अलावा सहभागीहरूले निःशुल्क ‘ड्राइभिङ रेन्ज गल्फ सट’जस्ता क्रियाकलापमार्फत उत्साहजनक सहभागिता जनाएका थिए ।

एसपिजी अटोमोबाइल्स, नेपालमा नवीन र दिगो मोबिलिटी (गतिशीलता)का आविष्कार तथा उत्पादनहरू प्रवद्र्धन गर्न समर्पित रहेको छ । अल–ह्विल–ड्राइभ पावरट्रेनसहितको नयाँ जेइको जेसिक्स इन्डिभिजुअल–ह्विल–ड्राइभ(फोर–बाइ–फोर), प्रभावशाली पर्फमेन्स, अद्भुत पावर, र उच्च ग्राउन्ड क्लियरेन्ससहित अफ–रोड ड्राइभिङको लागि उत्कृष्ट विद्युतीय एसयुभिको रूपमा स्थापित भएको छ ।

नयाँ जेइको जेसिक्स इन्डिभिजुअल ह्विल ड्राइभ (फोर–बाइ–फोर) मसाज सिट, सबै प्यासेन्जरका लागि हिटेड एन्ड भेन्टिलेटेड सिट, हाइअर रिम सहितको टायर साइज, बुम बक्स बेस स्पिकर्स जस्ता विभिन्न सुविधाहरूले सु–सज्जित रहेको छ ।
साथै, नौवटा ड्राइभिङ मोडसहित शक्तिशाली डुअल मोटर, ६९.६६ किलोवाटआवरको ब्याट्री र ४०० किलोमिटरको डब्लुएलटिपि रेन्ज यसको प्रमुख आकर्षण रहेको छ ।

एसपिजि अटोमोबाइल्सले साहसिक यात्रा गर्न खोज्ने अफरोड पारखीहरूलाई नजिकैको ओमोडा तथा जेइको सोरुममा गई प्रत्यक्ष अनुभव गर्न सकिने कम्पनीले जनाएको छ ।