काठमाडौं । बाँकेको नरैनापुरमा झाडा पखालाका कारण एकै दिन चार जनाको मृत्यु भएको छ । आइतबार नरैनापुर–३ गेगली गाउँमा एक्कासि फैलिएको झाडा पखालाबाट वर्ष २५ कि रुसा पासी र उनकी छोरी वर्ष डेढ कि नन्दनी पासी, ६० वर्षीया शान्ति पासी र १० वर्षीय यूसुफको मृत्यु भएको हो ।

त्यस्तै झाडापखालाबाटै १० जना बिरामी परेका छन् । भारतीय सिमासँग जोडिएको गाउँ गेगलीमा झाडापखाला फैलिएको जानकारी पाउनासाथ स्वास्थ्यकर्मीको टोलीले गाउँमै पुगेर विरामीको उपचार गरिरहेको नरैनापुर गाउँपालिकाका स्वास्थ्य शाखा प्रमुख नगेन्द्र कुमार शाहले जानकारी दिए ।
अत्यधिक गर्मी र खानेपानीमा केही गडबडी भएका कारण सो गाउँमा झाडा पखाला फैलिएको हुनसक्ने स्वाथ्यकर्मीको भनाइ छ ।