काठमाडौं । सोमबार रातिदेखि लगातार वर्षा भएसँगै मंगलबार काठमाडौंको विभिन्न स्थान डुुबानमा परेको छ । बागमतीमा जलसतह बढ्दा काठमाडौँको बल्खु क्षेत्र ढुबानमा परेको छ ।

बागमती नदीमा पानीको सतह बढेर काठमाडौँ महानगरपालिका–१४, बल्खु (टेकु दोभानदेखि बल्खु तरकारी बजारसम्म) कुलेश्वर फलफूल बजार क्षेत्र र सुकुम्बासी बस्ती डुवानमा परेको हो । काठमाडौंको माइतीदेवी, घट्टेकुलो, पुतलसडक लगायतका स्थानमा समेत पानी जमेको थियो ।

यसैगरी बल्खु तरकारी बजारको उत्तरी भागमा पानी पस्न सुरु गरेको र दक्षिणी भागमा पानी पसिसकेको स्थानीयले बताएका छन् ।