काठमाडौं । गायक विक्रम कार्की र रन्जिता विश्वकर्माले गाएको नयाँ गीतको भिडियो सार्वजनिक भएको छ । ‘पुग्दैन है कहिले नि पैसाले’ बोलको यस गीतलाई डा. लक्ष्मण श्रेष्ठले लेखेका हुन् ।

डान्सिङ बिटको यस गीतको संगीत पवन वान्तवा राईले गरेका हुन् । भिडियोको निर्देशन पनि पवनले नै गरेका हुन् । ‘पुग्दैन है कहिले नि पैसाले’ बोलको यस गीतको भिडियोमा अदित्य विरविक्रम शाही र रन्जिता विश्वकर्मा फिचरिङ छन् भने कोरियोग्राफी पनि रन्जिताले नै गरेका हुन् ।

समसामयिक यस गीतको रेकडिङ किङ स्टुडियोमा गरिएको हो । अर्जुन खड्काले सम्पादन गरेको यो भिडियो लक्ष्मण श्रेष्ठ क्रियशन युट्युब च्यानलबाट सार्वजनिक गरिएको हो ।