काठमाडौं । नेपाल उद्योग वाणिज्य महासंघ (एफएनसीसीआई)को आसन्न निर्वाचनमा सुष्मा महाराले जिल्ला–नगर महिला कोटातर्फ केन्द्रीय कार्यकारिणी सदस्य पदमा उम्मेदवारी दिएकी छन् । निर्वाचनको दिन नजिकिँदै गर्दा सुष्मा महराको उम्मेदवारीले चर्चा पाउन थालेको छ ।

नेपाल उद्योग वाणिज्य संघ, काठमाडौं (एनसीआईसीके)की सचिव तथा फेसियल हाउसकी प्रबन्ध निर्देशक महराको उम्मेदवारीलाई महासंघभित्र ‘परिवर्तन र व्यावसायिक कुशलता’को संकेतका रूपमा हेरिएको छ । एफएनसीसीआईको इतिहासमा पहिलोपटक विधानमार्फत महिला कोटा सुनिश्चित गरिएपछि यसपटकको निर्वाचन थप विशेष र ऐतिहासिक बनेको छ ।

यो ऐतिहासिक अवसरमा जिल्ला–नगर महिला कोटातर्फ केन्द्रीय कार्यकारिणी सदस्य पदमा महराको उम्मेदवारीले देशभरका उद्योगी–व्यवसायीमाझ उत्साह जागेको छ । ‘जहाँ महिला नेतृत्व बलियो हुन्छ, त्यहाँ सहकार्य बढ्छ र समृद्धिको बाटो अझ उज्यालो हुने’ भन्दै महराले देशभरका जिल्ला तथा नगर अध्यक्षहरूसँग अमूल्य मत र साथको अपेक्षा व्यक्त गरेकी छन् ।

को हुन् सुष्मा महरा ?

सुष्मा महरा नेपालको सौन्दर्य र ‘वेलनेस’ क्षेत्रलाई संस्थागत गर्ने एक अग्रणी नाम हो । झन्डै दुई दशकदेखि व्यावसायिक रूपमा सक्रिय महराले ‘फेसियल हाउस’मार्फत देशभर सयौँ महिलालाई प्रत्यक्ष रोजगारी सृजना गर्दै आएकी छन् । साथै, हजारौँलाई सीपमूलक तालिम दिएर आत्मनिर्भरसमेत बनाउँदै आएकी छन् ।

‘महिलाको आर्थिक स्वतन्त्रता नै समृद्धिको आधार हो र महिला नेतृत्व भनेको सहकार्य, समावेशिता र विश्वासको शक्ति हो’ भन्ने विषयलाई आत्मसाथ गर्दै अघि बढिरहेकी महरा हाल नेपाल उद्योग वाणिज्य संघ, काठमाडौं (एनसीआईसीके)मा सचिव छन् ।

सुष्माका पाँच संकल्प

महिला उद्यमीको व्यावसायिक क्षमता अभिवृद्धि र समृद्धिमा ठोस कार्य गर्ने, व्यवसायीका समस्यालाई महासंघको माथिल्लो तहसम्म प्रभावकारी रूपमा पु¥याउने, ‘सहकार्य र विश्वास’को शक्तिमार्फत निजी क्षेत्रको उज्यालो भविष्य निर्माण गर्ने, सिप, अवसर र आत्मविश्वास बढाउने अभियानलाई देशभर विस्तार गर्ने र उद्यममैत्री नीति निर्माणका लागि निरन्तर पैरवी गर्ने ।