उदयपुर , चौदण्डीगढी नगरपालिका–९ भिमाहास्थित मदन भण्डारी लोकमार्ग खण्डमा आज मोटरसाइकल दुर्घटना हुँदा एक जनाको मृत्यु भएको छ भने दुई जना घाइते भएका छन्।जिल्ला प्रहरी कार्यालय उदयपुरका अनुसार चौदण्डीगढी नगरपालिका–९ हँडियाबाट पूर्वतर्फ जाँदै गरेको प्रदेश १–०५००२ क १८२७ नम्बरको मोटरसाइकल अनियन्त्रित भई दुर्घटना भएको हो।

दुर्घटनामा मोटरसाइकलमा सवार सोही नगरपालिका–५ का १८ वर्षीय समीर चौधरीको घटनास्थलमै मृत्यु भएको प्रहरीले जनाएको छ।यस दुर्घटनामा सोही स्थानका १८ वर्षीय मौसम चौधरी र २३ वर्षीय अशोक चौधरी घाइते भएका छन्।घाइतेहरूको जिल्ला अस्पतालमा उपचार भइरहेको निरञ्जन थापा (प्रहरी नायब उपरीक्षक) ले जानकारी दिएका छन्।