नगढी । बैतडीमा बिहीवार राति जन्ती बोकेको बस दुर्घटना हुँदा मृत्यु हुनेको संख्या १३ पुगेको छ ।  जिल्ला प्रहरी कार्यालय बैतडीका अनुसार आठ जनाको घटनास्थलमै मृत्यु भएको थियो भने थप पाँच जनाको उपचारका क्रममा अस्पतालमा मृत्यु भएको हो ।

दुर्घटनामा ३६ जना घाइते भएका छन् । घाइतेहरूको डडेल्धुरा अस्पताल र  पुर्चौडीकै कोटीला स्वास्थ्य चौकीमा उपचार भइरहेको छ । 

पुर्चौडी नगरपालिका–७ भवनेबाट जन्ती लिएर बझाङको सुनकुडातर्फ जाँदै गरेको सुप प्र ०२–००१ ख १११९ नम्बरको बस बिहीवार राति करिब ८ बजे पुर्चौडी नगरपालिका–७ को बडगाउँ मोडमा दुर्घटनामा परेको थियो ।

बेहुला बेहुली अर्को जीपमा रहेकाले सकुशल रहेका प्रहरीले जानकारी दिएको छ ।