काठमाडौँ, शेरबहादुर देउवाले नेपाली कांग्रेसको विशेष महाधिवेशनका क्रममा उत्पन्न आन्तरिक संकटबारे छलफल गर्न सोमबार दिउँसो आफ्नै निवास महाराजगञ्जमा आपत्कालीन बैठक बोलाएका छन्।भृकुटीमण्डपमा जारी विशेष महाधिवेशनमा महासचिवद्वय गगनकुमार थापा र विश्वप्रकाश शर्माले देउवा नेतृत्वको समितिविरुद्ध प्रतिनिधिहरू परिचालन गरेपछि पार्टीमा तनाव बढेको हो।

महाधिवेशनले देउवा नेतृत्वको समिति विघटन प्रस्तावसमेत पेश गरिसकेको छ।स्रोतका अनुसार बैठकमा पार्टीसम्बद्ध कानुनविद् र वरिष्ठ नेताहरूसँग महाधिवेशनका निर्णयविरुद्ध कानुनी विकल्पबारे छलफल भएको छ। नेतृत्व र नीतिगत बहस चर्किँदै जाँदा देउवासँगै वरिष्ठ नेता शेखर कोइरालासमेत दबाबमा परेका छन्।