मुग्लिन–पोखरा सडक छिटो सक्न मन्त्री घिसिङको निर्देशन

दमौली, भौतिक पूर्वाधार तथा यातायातमन्त्री कुलमान घिसिङले निर्माणाधीन मुग्लिन–पोखरा सडक समयमै सम्पन्न गर्न निर्देशन दिनुभएको छ। जामुने–पोखरा पश्चिम खण्डको निरीक्षण गर्दै उहाँले काम तीव्र बनाएर आवागमन सहज गर्न निर्माण व्यवसायीलाई आग्रह गर्नुभयो।पश्चिम खण्डमा हाल ५९.७६% भौतिक र ४७.८०% वित्तीय प्रगति भएको छ। ४८.८८ किमीमध्ये ३७.४ किमीमा पहिलो तहको कालोपत्र सम्पन्न भइसकेको छ। १२ मध्ये ११ पुल सम्पन्न छन्, सेती नदीमा एक पुल निर्माणाधीन छ। आयोजना २०७८ जेठ ३ मा रु ७.४० अर्बमा सम्झौता भई पुस १६ सम्म सम्पन्न गर्ने लक्ष्य छ।

रातोचन्द्रसुर्य डेस्क

प्रकाशित: 2025-12-14

सम्बन्धित शीर्षकहरु