ढाका, बङ्गलादेशमा डेंगुको तीव्र प्रकोपका कारण यो वर्ष अहिलेसम्म ४०१ जनाको ज्यान गएको स्वास्थ्य सेवा महानिर्देशनालय (DGHS) ले बुधबार प्रकाशित गरेको तथ्याङ्कले देखाएको छ।जनवरीदेखि देशभर ९८ हजार ७०५ जनामा डेंगु ज्वरोको संक्रमण पुष्टि भएको छ। पछिल्लो २४ घण्टामा मात्रै ३ जनाको मृत्यु भएको र ४२१ जनामा नयाँ संक्रमण पाइएको छ।महानिर्देशनालयका अनुसार डिसेम्बरमा हालसम्म १९, नोभेम्बरमा १०४ र अक्टोबरमा ८० जनाको मृत्यु भएको छ। नोभेम्बर महिनामा मात्र २४ हजार ५३५ नयाँ संक्रमित भेटिएका थिए, भने डिसेम्बरमा हालसम्म ४ हजार ३०८ संक्रमित दर्ता भएका छन्।डेंगु संक्रमण नियन्त्रणमा चुनौती बढिरहेको बताउँदै स्वास्थ्य अधिकारीहरूले लामखुट्टेको प्रजनन रोकथाम, लार्भाविरोधी अभियान र सरसफाइका कार्यक्रमलाई तीव्र पार्ने तयारी गरेका छन्।