काठमाडौं । नेपाल सरकारले नेपाल वायुसेवा निगमको महाप्रबन्धकमा अमृतमान श्रेष्ठलाई नियुक्ती गरेको छ । यही मंसिर २ गते बसेको मन्त्रिपरिषद् बैठकले श्रेष्ठलाई निगमको महाप्रबन्धक नियुक्ति गर्ने निर्णय गरेको हो ।

यसअघि श्रेष्ठ नेपाल वायुसेवा निगममा संचालक समितिको सदस्यका रुपमा कार्यरत थिए । श्रेष्ठलाई सरकारले नेपाल वायुसेवा निगम ऐन २०१९ बमोजिम महाप्रबन्धकको काम, कर्तव्य समेत गर्नेगरी कार्यकारी संचालकको रुपमा नियुक्ति गरेको हो । महाप्रबन्धक श्रेष्ठले पदबहाली ग्रहण गरी कार्य आरम्भसमेत गरिसकेका छन् ।

महाप्रबन्धक श्रेष्ठलाई निगमका कर्मचारीहरुले एक समारोहको आयोजना गरी बधाई दिँदै सफल कार्यकालको शुभकामना व्यक्त गरेका छन् ।

निगममा पदबहालीपछि महाप्रबन्धक श्रेष्ठले निगमको कार्यकारी समितिको बैठक बोलाई निगमको समग्र विषयमा विभागीय प्रमुखहरुबाट जानकारी लिएका थिए । महाप्रबन्धक तथा कार्यकारी संचालक श्रेष्ठले बैठकमा बोल्दै निगमको हितमा लाग्न सम्पूर्ण कर्मचारीलाई निर्देशन समेत दिए । साथै, उनले इजरायलको क्ष्ब्क्ष् मा मर्मतका लागि पठाइएको निगमको इन्जिन आफ्नो जहाजमा जडान गरी लिजमा लिएको इन्जिन तत्कालै फिर्ता गर्ने कार्य आरम्भ गरिसकेको जानकारी दिएका थिए ।