काठमाडौँ । राष्ट्रिय स्वतन्त्र पार्टी (रास्वपा) को सचिवालय बैठक शुरु भएको छ  ।

पार्टी केन्द्रीय कार्यालय, बनस्थलीमा शुरु भएको बैठकमा विभिन्न पाँच एजेण्डामा छलफल हुने प्रवक्ता मनिष झाले जानकारी दिएका छन् ।

आजको बैठकमा समसामयीक राजनैतिक एवं पार्टी गतिविधि, हस्ताक्षर अभियान, हुदै गरेको पार्टी प्रशिक्षण कार्यक्रमहरूवारे, संगठन सम्बन्धि गतिविधि बारे जानकारी र छलफल हुने छ ।

त्यस्तै पार्टीका विभिन्न विभागहरु केन्द्रीय सङ्गठन विभाग, केन्द्रीय प्रशिक्षण विभाग, केन्द्रीय अभियान तथा प्रचारप्रसार विभाग र प्रवास नेपाली सम्पर्क विभागलाई क्रियाशील बनाउने विषयमा छलफल हुने कार्यसूची रहेको छ ।त्यस्तै आजको बैठकमा प्रदेश इन्चार्ज कार्यसम्पादन सम्बन्धमा पनि छलफल हुने प्रवक्ता झाले बताएका छन् ।

त्यसैगरी रूपन्देही- ३ को उम्मेदवार छनोट प्रक्रिया अन्तर्गत मूल्याङ्कन बिधि बारे छलफल हुने बताइएको छ । त्यसैगरी प्रारम्भिक निर्वाचन कार्यविधि २०८२, वडा परिषद् कार्यविधि (पालिका परिषद् कार्यविधि, जिल्ला अधिवेशन कार्यविधि समेत) र विशेषज्ञहरूलाई आव्हान गर्ने बारे छलफल हुने झाले बताएका छन् ।