काठमाण्डौ । मनसुन विस्तारै कमजोर हुँदै गएको जल तथा मौसम पूर्वानुमान महाशाखाले जनाएको छ । देशका थोरै ठाउँबाहेक अन्य ठाउँमा आज ठूलो पानी पर्ने सम्भावना छैन ।

काठमाण्डौ उपत्यकामा आज बिहानैदेखि घाम लागेको छ । आज दिउँसो लुम्बिनी, कर्णाली र सुदूरपश्चिम प्रदेशलगायत देशका पहाडी भागमा साधारणतया बदली तथा बाँकी भागमा आंशिक बदली रहनेछ । लुम्बिनी, कर्णाली र सुदूरपश्चिम प्रदेशलगायत पहाडी भागका केही ठाउँ र तराईका एकरदुई ठाउँमा मध्यम वर्षाको सम्भावना रहेको महाशाखाले जनाएको छ ।

त्यस्तै आज दिउँसो कर्णाली र सुदूरपश्चिम प्रदेशको पहाडी भागका एक/दुई ठाउँमा ठूलो पानी पर्न सक्ने सम्भावना रहेको मौसमविद्ले बताएका छन् । महाशाखाका अनुसार बङ्गालको खाडीबाट जलवाष्पयुक्त हावा भित्रिने क्रम कायमै छ ।