काठमाडौँ । अमेरिकाले गाजाबाट आउने मानिसहरूका लागि सबै आगन्तुक भिसा निलम्बन गरिरहेको घोषणा गरेको छ ।

अमेरिकी विदेश मन्त्रालयले हालका दिनहरूमा अस्थायी उपचार र मानवीय आधारमा केही भिसा जारी गर्न आवश्यक प्रक्रियाको गहन समीक्षाको लागि आगन्तुक भिसा स्थगित गरेको जानकारी दिएको हो ।

केही प्यालेस्टिनी अधिकार समूहहरूले अमेरिकी निर्णयको निन्दा गरेका छन् ।

प्यालेस्टिनी बाल राहत कोषले एक विज्ञप्ति जारी गर्दै यो निर्णयले गाजाबाट घाइते र गम्भीर बिरामी बालबालिकाहरूलाई उपचारको लागि अमेरिका पठाउनु पर्ने अवस्थालाई गम्भीर प्रभाव पार्ने बताएको छ ।

अमेरिकी विदेश विभागको नीतिमा यो परिवर्तन अति दक्षिणपन्थी कार्यकर्ता लौरा लुमरले भिसा कार्यक्रमको आलोचना गर्दै यसलाई बन्द गर्न आग्रह गरेकी थिइन्।

प्यालेस्टिनी बाल राहत कोषले २०२४ मा आफ्नो विदेश उपचार कार्यक्रम अन्तर्गत गाजाबाट १६९ बालबालिकालाई बाहिर निकालेको बताएको छ । यी बालबालिकाहरूलाई उपचारको लागि मध्य पूर्व, युरोप, दक्षिण अफ्रिका र अमेरिका लगिएको थियो ।

७ अक्टोबर २०२३ मा हमासले इजरायलमा आक्रमण गरेदेखि लगभग दुई वर्षदेखि चलिरहेको युद्धमा गाजाका अधिकांश अस्पतालहरू ध्वस्त भएका छन् । यहाँका मानिसहरूले खाद्यान्नको चरम अभावको सामना गरिरहेका छन् ।