मुग्लिन । तुईन पुल नजिकै माथिबाट ढुंगा सहितको पहिरो जाँदा मुग्लिन नारायणगढ सडक आवागमन दुईतर्फी अवरुद्ध भएको छ । आइतबार बिहान करिब ४ बजेतिर मुग्लिन नारायणगढ सडक खण्डको तुईन पुल नजिकै माथिबाट ढुंगासहितको पहिरो जाँदा आवागमन दुईतर्फि नै अवरुद्ध भएको हो ।

अहिले पहिरो हटाउने कार्य भइरहेको सडक डिभिजन कार्यालय भरतपुरले जानकारी दिएको छ । अबको केहि समयमा पहिरो हटाई सवारी आवागमन दुवैतर्फ सुचारू हुने सडक डिभिजनले जानकारी दिएको छ । साथै वर्षायामको समयमा यस क्षेत्रमा पहिरोको जोखिम उच्च हुने हुनाले बुझेर, हेरेर मात्रै सुरक्षित यात्रा गर्न सडक डिभिजनले अनुरोध गरेको छ ।