काठमाडौं । आसन्न नेपाल पर्वतारोहण संघ (एनएमए)को निर्वाचन (भदौ ७ गते) लक्षित गर्दै नेपाल लोकतान्त्रिक पर्यटन व्यवसायी संघद्वारा कुल बहादुर गुरुङलाई सर्वसम्मत रूपमा अध्यक्ष पदका उम्मेदवारको रूपमा घोषणा गरेको छ ।

राजधानीको ठमेलस्थित यात्री सुइट्स होटलमा विशेष छलफल कार्यक्रममा साझा दृष्टिकोण निर्माण, लोकतान्त्रिक मूल्य र सहभागिताको सुनिश्चितताको विषयमा बहस गरिँदै गुरुङलाई सो घोषणा गरिएको हो ।

पूर्व महासचिव रहिसकेका कुल बहादुर गुरुङले अध्यक्ष पदमा उम्मेदवारी दिंदै आफ्नो नेतृत्व दिगो, पारदर्शी र समावेशी हुने प्रतिबद्धता जनाए । उनले भने, ‘नेपालको पर्वतीय पर्यटनको दीगो विकास, श्रमिक तथा व्यवसायीको हकहितको संरक्षण र संस्थागत सुधारका लागि मेरो उम्मेदवारी हो । म अनुभव, कार्यदक्षता र साझा नेतृत्वमार्फत ल्ःब् लाई अझ प्रभावशाली र उत्तरदायी बनाउनेछु ।’

गुरुङ तीन दशकभन्दा बढी समयदेखि पर्वतीय पर्यटन क्षेत्रको प्रवर्द्धनमा क्रियाशील छन् । नेपाल पर्वतारोहण संघका महासचिव, ट्रेकिङ एजेन्सिज एसोसिएसन अफ नेपालका उपाध्यक्ष, तथा अन्तर्राष्ट्रिय पर्वतारोहण तथा पर्वतारोहण महासंघका व्यवस्थापन समिति सदस्यको रूपमा उनले महत्वपूर्ण भूमिका निर्वाह गरिसकेका छन् ।

त्यस्तै, गुरुङ पर्यटन व्यवसायी संघ, नेपाल तथा गणेश हिमाल पर्यटन विकास समितिका संस्थापक अध्यक्ष, हिमालयन समुदायहरूको जलवायुका सचिव, किवानिस नेपाल जिल्लाका मास्टर ट्रेनर, र एलाइन्स ट्रेक्स एण्ड एक्स्पिडिसन प्रा.लि. का प्रबन्ध निर्देशक समेत रहेका छन् ।

उनले नेपालका हिमाली क्षेत्रको अन्तर्राष्ट्रिय स्तरमा प्रवर्द्धन, पर्वतारोहण व्यवस्थापनको सुधार, श्रमिक र समुदाय सशक्तिकरण तथा संस्थागत उत्तरदायित्व अभिवृद्धिमा उल्लेखनीय योगदान पुर्‍याएका छन् । उनको उम्मेदवारी पर्यटन व्यवसायी, गाइड, आरोहण सहयोगी (शेर्पा), तथा सरोकारवाला पक्षबाट सकारात्मक रूपमा स्वागत गरिएको छ ।

संघको निर्वाचन यहि भदौ ७ गते ९२३ अगस्ट २०२५० हुने तय भएको छ । उम्मेदवारहरूबीच प्रतिस्पर्धा चर्किंदै जाँदा, कुल बहादुर गुरुङको नेतृत्वको दाबीले व्यापक चासो र समर्थन बटुलेको छ ।