कान्तिलोकपथमा पहिरो, सवारी आवत-जावत ठप्प

काठमाडौं । पहिरो खसेपछि कान्ति लोकपथ अवरुद्ध भएको छ । ललितपुरको बागमती गाउँपालिका ४ पाङदुरमा पहिरो खसेकाले कान्ति लोकपथ अवरुद्ध भएको हो ।

उपत्यका ट्राफिक प्रहरी कार्यालयका अनुसार आज बिहान पाँच बजेतिर खसेको पहिरोले काठमाडौं र हेटौंडा आउ–जाउ पूर्णरुपमा अवरुद्ध छ । यस्तै, सडक बिस्तारको क्रममा रहेको सूर्यविनायक–साँगा सडकखण्ड पानी परेकाले चिप्लो भएकाले यातायात अवागमन प्रभावित भएको छ ।

सो सडकखण्डमा ट्राफिक प्रहरीको निर्देशन पालना गर्दै संयमित भएर सवारी साधन चलाउन उपत्यका ट्राफिक प्रहरी कार्यालयले आग्रह गरेको छ ।

रातोचन्द्रसुर्य डेस्क

प्रकाशित: 2026-05-03

सम्बन्धित शीर्षकहरु