काठमाडौँ । अर्थमन्त्री डा. स्वर्णिम वाग्लेले कर्मचारीलाई १५ दिनभित्र तलब भुक्तानी गर्ने नयाँ प्रणालीको सुरुवात गरेका छन् ।

महालेखा नियन्त्रक कार्यालयको तलब प्रविष्टि प्रणालीमार्फत कोष तथा लेखा नियन्त्रक कार्यालयमा भुक्तानी आदेश पठाउने प्रक्रिया प्रयोग गरी उनले १५ दिनभित्र तलब भुक्तानी गर्ने अभ्यासको औपचारिक सुरुवात गरेका हुन् ।

यो नयाँ व्यवस्थाले अर्थतन्त्र चलायमान बनाउन सहयोग गर्ने र कर्मचारीलाई उधारोमा सामान किन्नुपर्ने बाध्यता समेत हट्ने विश्वास गरिएको छ ।

अर्थमन्त्री डा.स्वर्णिम वाग्लेले बैशाख ७ गते १५-१५ दिनमा तलब दिने व्यवस्था गर्ने मन्त्रिस्तरीय निर्णय गरेका थिए । 

हालसम्म सरकारी कर्मचारीहरूले महिनाको अन्त्यमा तलब प्राप्त गर्दै आएका थिए भने यो व्यवस्था लागुभएपछि अब महिनामा दुई पटक तलब पाउने भएका छन् ।