काठमाडौं । फेसन डिजाइनरको विद्यार्थी हुन् जमुना शाही ठकुरी । यद्यपि, उनी कलाकारितामा पनि सक्रिय छिन् ।
सानैदेखि कलाकारितामा रुचि राख्दै उनी आफ्नो कलाकारितालाई निखार्न कला घर नामक संस्थामा आवद्ध छिन् । उनी गुरु गोविन्द सुनारसँग प्रशिक्षण लिँदै आएकी छन् ।

‘कलाकार बन्नलाई निकै मेहनत र अनुशासित हुन जरुरत पर्ने रहेछ, उनी भन्छिन् । उनी नाटक ‘अक्षता’मा कलाकारसँगै कस्ट्युम डिजाइनको भूमिकामा आवद्ध छिन् ।

सानैदेखि कलाकारिता भन्नेबित्तिकै हुरुक्क हुने जमुना आफू एउटा राम्रो कलाकार बन्ने, जसले समाजका हरेक चरित्रहरू निर्वाह गर्दै गरीब निमुखाको आवाज बन्न कोसिस गर्ने लक्ष्य लिएकी छन् ।