काठमाडौं । नेपाल इन्भेष्टमेन्ट मेगा बैंक लिमिटेडको पूर्ण स्वामित्वमा रहेको सहायक कम्पनी एनआइएमबि एस क्यापिटल लिमिटेडले सञ्चालन गरिरहेको एनआइबिएल म्युचुअल फण्ड अन्तर्गतको ‘एनआइबिएल सहभागिता फण्ड’का इकाई हितग्राही (डिम्याट) खातामा जम्मा गरिएको जनाएको छ ।

विगत १३ वर्षदेखि मर्चेन्ट तथा इन्भेष्टमेन्ट बैंकिङ क्षेत्रमा सक्रिय कम्पनीले म्युचुअल फण्ड, पोर्टफोलियो व्यवस्थापन, परामर्श सेवा, डिपोजिटरी सहभागी, निष्कासन व्यवस्थापन लगायत सेवा प्रदान गर्दै आएको छ । खुलामुखी प्रकृतिको यो फण्ड नेपाल धितोपत्र बोर्डको सामूहिक लगानी कोष नियमावली, २०६७ अन्तर्गत दर्ता भएको नेपालको पहिलो खुलामुखी म्युचुअल फण्ड हो ।

यस फण्डले इक्विटी, डिबेन्चर, फिक्स्ड डिपोजिट, ट्रेजरी बिल जस्ता साधनमा लगानी गर्दै आएको छ । प्रारम्भिक रूपमा ६ अर्ब रुपैयाँ आकार रहेको योजनालाई नेपाल धितोपत्र बोर्डको स्वीकृतिअनुसार वृद्धि गरी १० अर्ब रुपियाँ पु¥याइएको छ, जससँगै यो नेपालकै सबैभन्दा ठूलो म्युचुअल फण्ड बनेको छ ।

बीज पुँजी सम्बन्धी व्यवस्थाका कारण लामो समयसम्म इकाईहरू हितग्राही (डिम्याट) खातामा जम्मा हुन नसकेकोमा अब सबै इकाई सफलतापूर्वक जम्मा गरिएको कम्पनीले जनाएको छ । लगानीकर्ताले मेरो सेयर लग–इन गरी आफ्नो इकाई क्रेडिट भएको पुष्टि गर्न सक्नेछन् । साथै, डिम्याट खातामा इकाई जम्मा गर्न ढिलाइ भएकोमा कम्पनीले क्षमायाचना गर्दै लगानीकर्ताको धैर्यता र समर्थनप्रति धन्यवाद व्यक्त गरेको छ ।