काठमाडौं । फोटो पत्रकारको संगठन राष्ट्रिय फोटो पत्रकार समूह नेपाल (एनएफपीजे)ले सोमबार बस्नतपुरमा होली पर्व मनाएको छ । फागू पूर्णिमा अर्थात होलीको अवसरमा एनएफपीजेले विगतका वर्षहरुमा झैँ यस वर्ष पनि फोटो पत्रकारहरुलाई समेटेर होली उत्सव मनाएको हो ।

सोमबार बसन्तपुरमा होली उत्सव मनाउने युवाको ठूलो जमात रहेको थियो । उक्त जमातसँगै एनएफपीजे पनि होली उत्सव मनाएको हो । वर्षमा एक दिन रमाइलो गरौँ भनेर होली उत्सवको आयोजना गरेको एनएफपीजेका अध्यक्ष प्रदीपराज वन्तले बताए । होलीको रौनक विस्तारै हराउँदै गएकोले नयाँ पुस्ता का लागि भएपनि होली पर्वलाई प्रवद्र्धन गर्न आवश्यक रहेको उनले बताए ।

सोमबार उपत्यकालगायत पहाडी तथा हिमाली जिल्लाहरुमा होली पर्व मनाइएको छ भने तराई मधेशमा आज मंगलबार होली मनाइँदैछ ।