काठमाडौं । बरिष्ठ सौन्दर्यविद एवं व्यवसायिक सुष्मा महराको शब्दमा राष्ट्रिय भावनाले ओतप्रोत गीत ‘म नेपाली हुँ, मेरो देश नेपाल’ सार्वजनिक भएको छ । गीतमा जेन्जी आन्दोलनको भावना, राष्ट्रिय पहिचान र समकालीन सामाजिक चेतना समेटिएको छ । उक्त गीतको भिडियोमा सुष्मा महराकै मर्मश्पर्शी अभिनय रहेको छ ।

उक्त शुक्रबार काठमाडौंको सिटी सेन्टरस्थित फुडकोर्टमा एक औपचारिक कार्यक्रमबीच विमोचन गरिएको थियो । कार्यक्रममा जेनजी आन्दोलनका सहिद सन्तोष विश्वकर्माकी श्रीमती अम्बिका विश्वकर्मा, सहिद देवकुमार सुवेदीकी श्रीमती पार्वती अधिकारी र सहिद बुद्धिबहादुर तामाङका बुबा विष्णु बहादुर तामाङलगायतको उपस्थिति रहेको थियो । सार्वजनिक गरिएको उक्त गीतमा संगीतकार पुरुषोत्तम न्यौपानेको संगीत तथा गायक सत्यराज आचार्यको स्वर रहेको छ ।

सर्जकले संगीतमार्फत नेपाली पहिचान, आत्मसम्मान र नयाँ पुस्ताको चेतनालाई अभिव्यक्त गरेका छन् । विशेषगरी जेनजी आन्दोलनले उठाएका सामाजिक एकता, राष्ट्रिय स्वाभिमान र सकारात्मक परिवर्तनका सन्देशलाई सांगीतको माध्यमबाट आम जनसमक्ष पु¥याउने प्रयास गरिएको महराले जानकारी दिइन् ।

गीतमा अभिनयसमेत गरेकी महराले कला र संगीत समाजलाई जोड्ने प्रभावकारी माध्यम भएकाले सकारात्मक सन्देश फैलाउन यस्तो कृति तयार गरिएको बताइन् । कार्यक्रममा उपस्थित अतिथिहरूले ‘म नेपाली’ गीतले समकालीन समाजको भावनालाई कलात्मक रूपमा प्रस्तुत गरेको भन्दै प्रशंसा गरेका थिए । उक्त गीत म्युजिक नेपालको युटुव च्यानलमार्फत हेर्न/सुन्न सकिने छ ।