कराचीको गुल प्लाजामा भीषण आगलागी, १० को मृत्यु, करिब ६० बेपत्ता

पाकिस्तान, पाकिस्तानको कराचीस्थित गुल प्लाजामा आइतबार राति भएको भीषण आगलागीमा ज्यान गुमाउनेको संख्या १० पुगेको छ। करिब ६० जना बेपत्ता रहेको आशंकामा खोज तथा उद्धार कार्य तीव्र पारिएको जियो न्यूजले जनाएको छ।

आगलागी प्रभावित सपिङ मलमा उद्धारकर्मीहरूले झ्याल र पर्खाल तोड्दै खोजी गरिरहेका छन्। घटनास्थलमा २२ वटा दमकल, १० वटा वाटर बाउजर, चार स्नोर्कल र ३३ एम्बुलेन्स परिचालन गरिएको छ। उद्धार टोलीले थर्मल क्यामेराको प्रयोग गरी भवनभित्र फसेकाहरूको खोजी जारी राखेको बताइएको छ।

रातोचन्द्रसुर्य डेस्क

प्रकाशित: 2026-01-19

सम्बन्धित शीर्षकहरु